كنا انا و ولد خالي طالعين بالليل نتمشى بس طبعا ديرتنا مافيها أماكن ترفيهية وايد ، قلت له ماكو إلا أن نفتر بالسيارة ونظيع نروح أماكن يديدة ، بس للأسف ماقدرنا نظيع ولا لقينا مكان يديد آخر شي وصلنا عند المسيلة وقعدنا نشوف البيوت هناك في بيوت ماشالله رووعة .. واحنا نفتر ولا نشوف بيت شكلة غريب عجيب ، مادري بيت ؟ ولا كنيسة ؟ ولا شنو بالظبط
عشان جذي حطيت العنوان “البكيسة” يعني بيت على كنيسة لول
اذا كنيسة مو مشكلة ، بس ليش كاتب على المدخل
( الله أكبر ، سبحان الله وبحمده )
( ماشاء الله ، سبحان الله العظيم )
يعني مو معقولة تكبير وتسبيح على كنيسة !! وحاط بالحديقة الخلفية :/ عدد كبير من التماثيل ، يعني لو كنيسة جان حاطين أقل من جذي
انا رحت له الظهر بيوم ثاني عشان أصورة ويكون واظح لأن بالليل مايبين عدل و يخرع صراحه .. المبنى مافي أحد.. شكلة مسكون
هذا المبنى شنو بالظبط ؟ مادري !! أي أحد عنده معلومة خل يفيدنا
